Во сегашниот свет во кој живееме, многу е важно да преземеме максимални чекори за да го вратиме нашиот еко-систем. Расадниците помагаат да се осигура дека постои конзистентен метод за зачувување и промовирање на зелениот живот.

Водени од овој порив, Еколошко друштво Вила Зора со поддршка на Цивика мобилитас, подигна расадник за зимзелени дрвја каде има посадено над 800 садници. Дел од садниците ќе бидат наменети за донирање на локалните училишта и за зазеленување на јавните површини, а дел ќе се користат за продажба на граѓаните на Велес со што ќе ја обезбеди својата одржливост.

Долгорочна цел е да се користи расадникот како тренинг центар за младите генерации. Ова осигурува дека следната генерација млади екологисти ќе имаат можност да се запознаат со проблемите со кои се соочуваме како свет и дека се способни да се справат со овие прашања уште од мали нозе. Најголемата сила на ова е што идејата е благородна и луѓето се свесни за климатските предизвици со кои се соочуваме и се подготвени да помогнат или поддржат.