На 17.10.2008 година, во Скопје се одржа средба на мрежата “Македонија без ГМО” на која учествуваа членките на оваа коалиција.
На средбата беше претставена актуелната состојба околу активностите на граѓанските организации, членки на мрежата, за заштита на Р.Македонија од ГМО контаминацијата.
Во однос на начинот на функционирање на мрежата беше договорено, да се формира национален одбор и централна канцеларија која ќе ги координира активностите на мрежата. Во националниот одбор влегоа Е.Д. “Вила Зора”, Е.Д. “Еко-Свест”, Е.Д. “Калинка”, Е.Д. “Грашница” и “Здружение за грижа и воспитување на деца” , а за централна канцеларија беше назначена канцеларијата на Вила Зора со мандат од 1 година.
Од страна на преставникот на “Биосфера” беше предложено во т.н. “зелен пакет” на прашања за кандидатите за Градоначалници да стои и прашањето “Дали го поддржуваат прогласувањето на ГМО слободна општина доколку би станале градоначалници на пролетните локални избори”.
Врз основа на предлозите се донесе договор да се започна со
- Национална кампања за заштита од ГМО
- Вклучување на прашањето за кандидатите за Градоначалници на следните локални избори-Дали го поддржувате прогласувањето на Вашата општина за ГМО слободна зона?
- Да се создаде механизам за размена на податоци на членките
- Да cе контактира со медиумите и јавно да се зборува на темата
- Да иницира промена во Законот за ГМО за етикетирање на производите дали содржат ГМО-Еко-Свест
