Денес Еколошко друштво Вила Зора заедно со Велес бајкинг и Грин пауер учествуваа во спроведување на анкета по повод денот на пролетта, организирана од страна на Општина Велес со поддршка на Сектор за внатрешни работи Велес.

Анкетниот лист се состоеше од прашања во видот дали и колку се користи велосипед, дали и колку граѓаните пешачат, кое превозно средство се користи и дали се потребни велосипедски патеки во градот.

Воедно анкетарите ја презентираа идејата денот Недела да биде ден без употреба на автомобили.