Еднократните маски и ракавици претставуваат сериозна закана по здравјето на граѓаните доколку не се одлагаат соодветно. Честопати сме сведоци за расфрлените маски и ракавици на улиците и на зелените површини. Искористените маски и ракавици се потенцијално заразни, знаејќи гофактот дека има многу голем број асимптоматски случаи.

Еколошко друштво Вила Зора ја пласираше идејата за поставување на корпи специјализирани за еднократни маски и ракавици и благодарение на финансиската подршка од Општина Велес денес ја реализиравме активноста и поставивме корпи  на повеќе локации во градот.

Целта на проектот е да се придонесе во борбата против ширењето на коронавирусот преку соодветно одлагање на тн. КОВИД – 19 отпад и ублажувањето на последиците од пандемијата врз граѓаните.